Məqalə müəllifləri Xəlil Rza Ulutürkün poeziyasını tədqiqata cəlb etmiş, maraqlı mülahizələr irəli sürmüş, elmi nəticələrə nail olmuşdur. Tədqiqatda haqlı olaraq qeyd edilir ki, şairin «Qəflət ləkəsi», «Yaşıdım», «Gül yastıq» və sair bu kimi şerləri yüksək vətəndaşlıq alovu ilə seçildiyi kimi, forma əlvanlığı cəhətdən də şairin lirik imkanlarının genişliyindən xəbər verir. X.Rzanın tribun lirikasında şeirimizin ən yaxşı ənənələri – zaman hadisələrinə həssas, poetik münasibət, cəmiyyətin, xalqın şüur və hissələrini, nə ilə yaşamasını lirik «mən»in şəxsin sərvətiləri səciyyəsində təqdim etmək ənənələrinin təsiri çox qabarıqdır.
