GAGAUZİYADA GAGAUZ DİLİNİN DURUMU

Özet

Gagauzlar hristiyan dinindän olan, türkçä lafedän, sayısı 250 bindän (sayı kesin bilinmeer) zeedä olan bir türk toplumudur. Türk dillerinin oguz grupasına girän bu dil eski Anadolu türkçesinä, Balkan türklerinin dilinä benzeer. 1739- cu yıllardan başlayarak 1814-cü yıllaradak Dobruca bölgesindän Basarabiyaya göçedän gagauzların büük bir kısımı büün Moldovada (180 bin), bir kısmı Ukrainada (40-50 bin), yaşêêr. Birkaç gagauz küüyü var Bulgariyada, Greţiyada, Ruminiyada hem başka yerlerdä. 1994-cü yılda Moldovanın sınırları içindä Gagauz Yeri Avtonomiyası yaradıldı, da gagauz dili moldovan hem rus dillerinnän barabar Gagauziyanın ofiţial dil gibi yazıya alındı. Ama dilin kullanlması istoriyasına bir ekskurs yapalım.